Kal unki shaadi thee, aaj woh safar men hain
Doli zaroor uth gayee, phir bhee nazar men hain

Shahar chod ke ab to woh jaa chuke hain
Shaadi me bas ek jhalak hee hum pa sake hain

Hothon pe baaten to aayeen bahut baar
Bazaar me nazaren bhi hueen chaar kai baar

Tasveer se unkee baaten hamne bahut karee
Sher o shaayri bhi bahut andaazon se parhi

Hamen unse pyaar hai, hum kabhi keh nahi paaye
Sapnon men to hamaare woh har raat aaye

Parindo ki chahak
Gulon ki mahak
Sab unki yaad dilate hain
Chanda ki chandni
Koyal ki ragini
Hamen raat din satate hain

Dariya ke kinare
Bagiya ke duare
Kaheen bhi chain aata nahin
Aankhon me ashk ki chubhan
Sanson me yaadon ki ghutan
Ab to jeena bhi bhata nahin

Seep men moti bina dard nahin banata
Isq aashiq ka judaai bina nahin sajata

Zannat men hogi unse mulakaat
Intzaar unka ab hum karenge
Khush rahen wo jahan bhi rahen
Dard apne hum seh hee lenge

Har saans unhen paas laati hai
Har raat dooriyan ghatati hai
Bas isii sahare jee rahe hain hum
Aaj nahin to kal paas honge unke hum.

Written in Rochester, NY